Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі забароняць амерыканскі даляр? 15:26, 13/07/2007
Грамадскія арганізацыі, абвінавачаныя ў атрыманні фінансавання з-за межы, будуць неадкладна закрытыя, заявіў Аляксандр Лукашэнка ў інтэрв`ю журналістам у Жлобіне.
У адказ на просьбу карэспандэнта "Інтэрфакса" пракаментаваць заяву прэзідэнта ЗША Джорджа Буша аб падваенні асігнаванняў на падтрымку няўрадавых арганізацый у шэрагу краін свету, уключна Беларусь, А.Лукашэнка сказаў: "Буш нямала заяўляў. У яго ёсць куды накіроўваць свае грошы". У прыватнасці, А.Лукашэнка пазначыў праблемы вакол Ірака, Афганістана, а таксама праблемы, звязаныя са значным падзеннем курсу даляра па дачыненні да еўрапейскай валюты.
"Гэта інвестыцыі ў нашу краіну", – так ахарактарызаваў рашэнне Буша кіраўнік Беларусі.
"Калі нейкія арганізацыі атрымаюць гэтыя грошы, яны будуць неадкладна закрытыя. Гавару гэта сумленна і адкрыта", – заявіў А.Лукашэнка, адзначыўшы пры гэтым, што нацыянальнае заканадаўства Беларусі забараняе атрыманне беларускімі грамадскімі арганізацыямі фінансавання з-за мяжы.
"Той, хто паспрабуе пазапраўна завезці сюды грошы, ад іх і "загіне", – сказаў А.Лукашэнка.
