Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка даверыў КДБ ганароваму камандуючаму ўнутранымі войскамі 17:21, 17/07/2007
Аляксандр Лукашэнка вызваліў сваімі ўказамі ад пасад старшыню КДБ Беларусі і яго першага намесніка. Беларускі КДБ цяпер узначаліў генерал-маёр Юры Жадобін, які да гэтага ўзначальваў службу бяспекі прэзідэнта.
У 90-я гады Жадобін служыў на камандных пасадах у сістэме грамадзянскай абароны Беларусі і ўнутраных войсках МУС. Да прызначэння ў службу бяспекі прэзідэнта ён займаў пасаду намесніка міністра ўнутраных спраў — камандуючага ўнутранымі войскамі. Сёння, Юры Жадобін – ганаровы камандуючы ўнутранымі войскамі. Як высветлілася, ёсць і такое званне. Так яго ў апошніх артыкулах называла газета "Советская Белоруссия".
