Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Барацьба кланаў – адно з тлумачэнняў адстаўкі старшыні Камітэта дзяржаўнай бяспекі Беларусі Сцяпана Сухарэнкі. Гэткае меркаванне лідэра нефармальнага аб`яднання афіцэраў – былых супрацоўнікаў праваахоўных органаў і іншых сілавых структур “Защитники Отечества”, праваабаронцы Алега Воўчака. "То КДБ арыштоўвае міліцэйскіх службоўцаў, то міліцэйскія арыштоўваюць супрацоўнікаў КДБ. Але барацьбы з карупцыяй не ідзе", – адзначыў А.Воўчак.
На яго думку, паміж Сухарэнкам і Навумавым "прабегла нейкая кошка". Паводле інфармацыі праваабаронцы, арышту падпалкоўніка КДБ кіраўнік МУС асабіста дамагаўся праз дзяржсакратара Савета бяспекі Віктара Шэймана і Аляксандра Лукашэнку, але пры гэтым не змог дамагчыся асабістай аўдыенцыі ў Сухарэнкі". "Гэта быў сігнал, што рана ці позна Сухарэнку знімуць", – Канстатаваў А.Воўчак.
Яшчэ адной магчымай прычынай адстаўкі старшыні КДБ Алег Воўчак называе тое, што "Сухарэнка – чалавек бліжэйшы да Шэймана". Па яго словах, удзельнікі нефармальнага аб`яднання “Защитники Отечества” лічаць, што "рыхтуецца не проста перастаноўка кадраў у вышэйшым кіраўніцтве КДБ – плануецца змяніць функцыі Камітэта дзяржбяспекі". "Ёсць нават такая інфармацыя. Дзесьці пашырыць правы дзесьці павузіць. Але ў цэлым будзе рэструктурызацыя", – сказаў А.Воўчак.
Што тычыцца будучыні Сцяпана Сухарэнкі, то, як лічыць А.Воўчак, ён можа быць прызначаны амбасадарам у адну з азіяцкіх краін.
