Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украінцы малююць палітычныя графіці пра Беларусь (Фота) 11:26, 17/07/2007
16 ліпеня ў Кіеве адбылася традыцыйная штомесячная акцыя салідарнасьці з дэмакратычнымі сіламі Беларусі. Гэтым разам яе ўдзельнікі прыцягнулі ўвагу ўкраінскае грамадзкасьці і СМІ да праблемы надта суровага пакараньня за палітычныя графіці ў Беларусі.
Як паведамляе “Радыё Свабода”, удзельнікі акцыі акцэнтавалі ўвагу на тым, што ў розных краінах чалавека могуць арыштаваць за надпісы ці малюнкі на сьценах, але ў Беларусі такое затрыманьне можа пагражаць ня толькі адміністрацыйным, але й крымінальным пакараньнем – калі графіці скіраваныя супраць улады.
Кожны жадаючы мог паспрабаваць свае сілы ў маляваньні палітычных графіці на адмыслова ўсталяваных каля амбасады фанэрных шчытах. Удзельнікі акцыі малявалі і пісалі пра тое, як яны уяўляюць сёньняшнюю сытуацыю ў Беларусі.
