Адукацыйныя ільготы «спарадкавалі» :: Хартыя'97 :: Навiны

Прэзідэнт Беларусі падпісаў Закон «Аб занясенні змен у некаторыя законы Рэспублікі Беларусь па пытаннях прыёму ў адукацыйныя ўстановы», асноўнай навіной якога з`яўляецца ўразанне адукацыйных ільгот, усталяваных раней для сацыяльна не абароненых пластоў насельніцтва, піша «Ежедневник».

Закон уступае ў сілу ўжо на наступным тыдні і рэгулюе ільготы (дадаткова да тых, якія дэпутаты ўжо адмянілі). Цяпер грамадзяне, якія пацярпелі ад чарнобыльскай катастрофы, пазбаўленыя права паступлення па-за конкурсу ў ВНУ і пераважнага права паступлення (пры роўных умовах) у вышэйшыя і сярэднія спецыяльныя навучальныя ўстановы. Пераважнае права за імі захоўваецца толькі пры паступленні ў ПТВ. Інвалідаў баявых дзеянняў на тэрыторыі іншых дзяржаў пазбавілі права на прыём па-за конкурсу ў дзяржаўныя вышэйшыя, сярэднія спецыяльныя навучальныя ўстановы. Такое права захоўваецца ў іх толькі пры паступленні на курсы навучання прафесіям. Такіх самых ільгот пазбаўленыя і сябры сем`яў вайскоўцаў, загінуўшых або памерлых з прычыны раненняў, кантузій, калецтва, захворванняў, атрыманых у перыяд баявых дзеянняў. Аналагічным чынам «спарадкаваныя» ільготы дзецям-сіротам і дзецям, пакінутым без апекі бацькоў. Для прапаленых аптымістаў, якія ўсё яшчэ спадзяваліся на адмену абавязковага размеркавання пасля заканчэння дзяржаўнага ВНУ. Размеркаванне пры навучанні за кошт бюджэту захаванае ў поўным аб`ёме.