Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сухарэнка звольнены праз правакацыю супраць МУС? 14:36, 18/07/2007
Паводле інфармацыі «Завтра твоей страны», 8 чалавек, прад`явіўшы пасведчанні супрацоўнікаў міліцыі, раптам напалі на старшыню Камітэта дзяржаўнага кантролю Зянона Ломаця. Яны, быццам бы, добра памялі галоўнага прэзідэнцкага кантралёра і збеглі ў невядомым напрамку. Пра здарэнне, як піша выданьне, тут жа было дакладзенае Міністру ўнутраных спраў Уладзіміру Навумаву, які неадкладна выслаў у Магілёў аператыўнікаў Галоўнага ўпраўлення па барацьбе з арганізаванай злачыннасцю і карупцыяй МУС. Супрацоўнікі антымафіёзнага падраздзялення паднялі на вушы ўвесь горад і да канца дня знайшлі і затрымалі хуліганаў. Гэта, як паведамляе сайт, былі 7 супрацоўнікаў КДБ і 1 працаўнік апарата Савета бяспекі.
Тыя, хто напаў на Зянона Ломаця знаходзяцца ў следчым ізалятары і даюць сведчанні следчым. Расследаваннем гэтай скандальнай справы займаецца Генеральная пракуратура Беларусі. Карэспандэнту «Радыя Свабода» ў прэс-службе Генеральнай пракуратуры пацвердзілі інфармацыю пра напад на Ломаця і пра затрыманне нападаючых, а таксама пра узбуджэнне крымінальнай справы па факце здарэння.
