Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Супрацоўнікі ДАІ затрымалі картэж аўтамабіляў, які ладзіць аўтапрабег салідарнасьці па гарадох, дзе супраць актывістаў “Маладога фронту” завялі крымінальныя справы за ўдзел у незарэгістраванай арганізацыі.
Гэта здарылася неўзабаве пасьля выезду зь Менску, на Берасьцейскай шашы ў раёне матэля. Супрацоўнікі ДАІ забралі правы ў кіроўцаў і прымусілі ехаць у міліцыю гораду Дзяржынску. У дадзены момант аўтамабілі маладафронтаўцаў у суправаджэньні ДАІ рухаюцца ў бок Дзяржынску, паведамляе «Радыё Свабода».
Нагадваем, што сёння ад станцыі Дружная ў бок Баранавічаў накіраваліся чатыры аўтамабілі, у якіх знаходзяцца 20 маладафронтаўцаў. Меркавалася, што Па дарозе да іх будуць далучацца іншыя аўтамабілі. Ужо на станцыі Дружная ў момант збору ўдзельнікаў і старту прабегу знаходзіліся прадстаўнікі кіраўніцтва менскай міліцыі і супрацоўнікі КДБ.
