Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У сяле Горнаўка Алтайскага краю з`явіўся "калгас імя Пуціна". Як піша газета “Известия”, мясцовы прадпрымальнік Аляксандр Цітоў вырашыў такім чынам аддзячыць прэзідэнту за працу.
"Яшчэ нейкія паўгода – і чалавек пакіне сваю пасаду. А я хацеў, каб памяць аб прэзідэнце засталася!" – растлумачыў Цітоў. Як выказваецца прадпрымальнік, з імем Пуціна трэба "хлеб гадаваць і кароў даіць", паведамляе NEWSru.com
"Калгас імя Пуціна" раней уваходзіў у склад вялікай гаспадаркі – дзяржаўнага племяннога завода (ДПЗ) імя 50-годдзя СССР. Тут разводзілі танкарунных авечак. Цяпер ДПЗ распаўся, авечак няма, і справа спынілася. Аляксандр Цітоў з імем Пуціна мае намер адрадзіць вёску.
Нагадаем, што ў савецкія часы распаўсюджанае імя для калгасаў і іншых сельскіх гаспадарак было – "імя Леніна". Пасля распаду СССР шматлікія калгасы былі ператвораныя ў гаспадарчыя таварыствы, толькі малая частка з іх засталася кааператывамі. Аднак некаторыя з былых і наяўных калгасаў імя Леніна захавалі свае найменні.
