Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мэр Бабруйску звінаваціў падначаленых у сабатажы 15:48, 20/07/2007
Дзмітрый Бонахаў працягвае выхоўваць мясцовае чынавенства. Гэтым разам скандал усчаўся пасля наведвання горада прадстаўнічай дэлегацыяй кіраўнікоў беларускіх дыпмісіяў за мяжой.
Падчас экскурсіі дыпламатаў па Бабруйскай крэпасці адбыўся вельмі непрыемны інцыдэнт. Пасля расповеду пра ўнікальны помнік гісторыі і архітэктуры кіраўнікі горада запрасілі гасцей прагуляцца па ацалелых фрагментах фартэцыі. Аднак брама аказалася зачыненай, бо цяпер на тэрыторыі Бабруйскай крэпасці вядуцца будаўнічыя работы па ўзвядзенні Лядовага палаца – уся пляцоўка абнесеная плотам. Знайсці вартаўніка не ўдалося, паведамляе “Радыё Рацыя”.
Спадар Бонахаў апынуўся ў досыць складанай сітуацыі. Прапанаваць кіраўнікам беларускіх замежных місіяў пераскочыць праз плот, натуральна, не выпадала, таму абмежаваліся назіраннем панарамы будоўлі здалёк.
Па выніках візіту беларускія дыпламаты заявілі, што вельмі задаволеныя аказаным насамэч цёплым прыёмам бабруйчанаў. А вось старшыня гарвыканкаму пасля ад’езду высокіх гасцей заявіў сваім падначаленым: “Гэта сабатаж!”
