Брытанскі ўрад лічыць забойства Літвіненкі актам дзяржтэрарызму :: Хартыя'97 :: Навiны

Лондан разглядае забойства экс-афіцэра ФСБ Расеі Аляксандра Літвіненкі як "акт дзяржаўнага тэрарызму з боку Масквы". Пра гэта на ўмовах ананімнасці заявіў у інтэрв`ю The Sunday Times вышэйшы службоўца брытанскага ўрада. Па яго словах, яд, якім быў атручаны Літвіненка, быў выраблены ў Расеі.

Крыніца паведаміла, што брытанскім следчым атрымалася высветліць, што палоній-210, які выкарыстоўваўся для атручвання Літвіненкі, мае расейскае паходжанне. Па словах брытанскага службоўцы, найбольш верагодна, што яд быў выдзелены ў расейскім ядзерным цэнтры ў Сарове, піша АФН.

Як падкрэсліла крыніца, яе словы пра тое, што забойства Літвіненкі– акт дзяржаўнага тэрарызму, раздзяляюць "у брытанскім урадзе да самога высокага ўзроўню".

Больш за тое, прадстаўнікі МУС, Скотленд-Ярду ўпэўненыя, што за забойствам Аляксандра Літвіненкі стаяць спецслужбы Расеі, падкрэсліла крыніца ў брытанскім урадзе. "Дарогі вядуць у Федэральную службу бяспекі, але куды дарога паварочвае ўнутры ФСБ, паліцыі невядома", - сказала крыніца.

Раней у брытанскай прэсе было апублікаванае прызнанне афіцыянта гатэля Millennium Норберта Андрэйда, які абслугоўваў столік Аляксандра Літвіненкі і бачыў гарбату, якім атруцілі экс-афіцэра ФСБ Расеі. На думку афіцыянта, палоній распылілі у імбрычак для заваркі, з якога сабе ў кубак наліваў гарбату Аляксандр Літвіненка.

Па словах афіцыянта, калі ён прыбіраў са стала, ён звярнуў увагу на тое, што зялёная гарбата ў імбрычку стаў "дзіўнага колеру". "Калі я выліваў астаткі ў ракавіну, гарбата выглядала жаўцей звычайнага і - ён падаваўся глейкім", – распавёў Норберт Андрэйд.

Экс-афіцэр ФСБ Аляксандр Літвіненка памёр 23 лістапада 2006 года. Ускрыццё паказала, што смерць наступіла праз атручванне палоніем.