Цэны растуць :: Хартыя'97 :: Навiны

У чэрвені ў параўнанні з траўнем гэтага года цэны на каўбасу вараную першага гатунку, безалкагольныя напоі павялічыліся на 1,1%, віна вінаградныя – на 0,9%, піва – на 1,2%, віна пеністыя – на 1,3%. Капуста свежая падаражэла на 5,3%, лук рэпчаты – на 27,5%, бурак – на 40%, морква – у 1,5 разу. Яблыкі падаражэлі на 4,4%, паведамляе БелаПАН дадзеныя Міністэрствы статыстыкі і аналізу.

Сярэдняя цана па краіне на ялавічыну першай катэгорыі на канец чэрвеня складала 7.660 рублёў і вагалася ад 5.940-7.100 рублёў у Пінску, Баранавічах, Оршы, Лідзе да 7.940–9.000 рублёў у Віцебску, Гародні, Магілёве, Бабруйску. Сярэдняя цана на свініну складала 7.726 рублёў. Самыя нізкія цэны былі ў Верхнядзвінску, Ваўкавыску, Шчучыне, Клімавічах, Чавусах (6.700–7.010 рублёў), найбольш высокія – у Берасці, Наваполацку, Жыткавічах, Бабруйску, Горках (8.060–9.500 рублёў).

Сярэдняя цана на капусту свежую складала 2.109 рублёў, на рэпчаты лук – 2.372 рубля, на бурак – 1.192 рубля, на бульбу – 770 рублёў.

Індэкс цэн на прадпрыемствах грамадскага харчавання ў чэрвені 2007 года ў параўнанні з траўнем 2007 года вырас на 2,6%, у параўнанні з снежнем 2006 года – на 8,9%

Індэкс цэн вытворцаў прамысловай прадукцыі ў чэрвені 2007 года ў параўнанні з траўнем таксама вырас. Паводле афіцыйных дадзеных, рост складае 0,4 адсоткі.

Так у чорнай металургіі выраслі цэны ў вытворчасці чорных металаў, метызаў вытворчага прызначэння на 0,7%. Выраслі цэны ў вытворчасці тэхналагічнага абсталявання для прадпрыемстваў гандлю і грамадскага харчавання на 6,3%, абсталявання для прамысловасці будаўнічых матэрыялаў – на 5%, кранаў (без будаўнічых) – на 4,2%, будаўнічых металічных вырабаў — на 2,3%, у чыгуначным машынабудаванні, вытворчасці нарыхтовак — на 1,6%, вытворчасці абсталявання для меліярацыйных прац, лесанарыхтоўчай і тарфяной прамысловасці — на 1,4%.
У прамысловасці будаўнічых матэрыялаў цэны выраслі ў цэментавай прамысловасці на 5,2%, вытворчасці мяккіх дахавых і гідраізаляцыйных матэрыялаў — на 4,4%, таварнага бетону і будаўнічага раствору — на 2,2%, будаўнічых матэрыялаў і вырабаў з палімернай сыравіны – на 1,3%, асбестацэментавых вырабаў — на 1,1%.

У галінах, якія вырабляюць прадукты харчавання і спажывецкія тавары, у чэрвені 2007 года ў параўнанні з траўнем цаны павялічыліся на 0,6%.

У лёгкай прамысловасці павялічыліся цэны ў дубільна-экстрактавай прамысловасці на 8,3%, абутковы (акрамя вытворчасці гумовага абутку) – на 4%, ваўняны – на 1,5%, вытворчасці швейных вырабаў – на 1,4%, футравай прамысловасці – на 1,3%, першаснай апрацоўцы льну – на 1%.

У харчовай прамысловасці ў чэрвені 2007 года павялічыліся цэны ў крахмала-паточнай прамысловасці на 5,9%, спіртавой – на 3,8%, саляной – на 2,8%, садавінагародніны (без вытворчасці садавінагародніных кансерваў) — на 2,7%, лікёра-гарэлкавай прамысловасці – на 2%, у вытворчасці безалкагольных напояў – на 1,4%.