Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Хрыстос усё-ткі прызямліўся ў Гародні (Фота) 12:00, 23/07/2007, фота ByMedia.net
Учора ў Гародні адбыўся IX мастацкі пленэр "Легенда з пяску", арганізаваны ў рамках падтрымкі кампаніі за захаванне архітэктурнай спадчыны беларускіх гарадоў. Менскія школьнікі, студэнты і выпускнікі ВНУ пад кіраўніцтвам скульптара Геніка Лойкі на ўскраіне горада ўсё-ткі ўзвялі з пяску скульптуру Ісуса Хрыста.
«Нам давялося дзейнічаць «па-партызанску», не ўзгадняючы свае дзеянні з уладамі. Мы вылучылі бязлюдны пляж на ўскраіне горада, жылі каля выратавальнай станцыі ў намётах. Дваццаць чалавек працавалі над скульптурай 2 дні. У выніку была ўзведзеная скульптура Ісуса Хрыста, які ляжыць і абдымае гарадзенскую зямлю. Даўжыня скульптуры роўная росту прыкладна 7 чалавек. На адкрыцці мы выканалі «Ave Maryia». Гарадзенцы ставіліся да нас вельмі прыязна», – паведаміў прэс-цэнтру Хартыя’97 арганізатар пленэру Генік Лойка.
Нагадаем, аддзел культуры Гарадзенскага гарвыканкама раней не дазволіў правядзенне пленэру каля Каложскай царквы, матываваўшы адмову тым, што скульптура можа абразіць пачуцці вернікаў.
