Тайна знікнення Сухарэнкі раскрытая :: Хартыя'97 :: Навiны

Сцяпан Сухарэнка знойдзены не ў СІЗА на Валадарцы, як паведамлялі некаторыя інфармацыйныя інтэрнэт-выданні, не ў Маскве, а ў сябе ў вёсцы.

Сцяпан Сухарэнка распавёў «Народнай волі», як звязаная яго адстаўка з збіваннем старшыні Дзяржкантролю Зянона Ломаця «Народная воля» адшукала былога старшыню Камітэта дзяржбяспекі Беларусі Сцяпана Сухарэнку.

Сцяпан Мікалаевіч знаходзіцца не ў СІЗА на Валадарцы разам з сваім былым першым намеснікам Васілём Дземянцеем, як паведамілі некаторыя сайты, а на прыродзе разам з ўсёй сваёй сям`ёй. Сухарэнка не ў запою, жывы, здаровы і нават нядрэнна выглядае. Ён у курсе, што яго пераводзяць на іншую працу. Але на якую менавіта – паняцця не мае… Гаворыць, што пачуваецца як заўсёды – упэўнена. Чуткі пра ўласны арышт каментуе не вельмі ахвотна. «Самыя розныя здагадкі ў дачыненні мяне хадзілі і яшчэ, пэўна, будуць хадзіць, – сказаў Сухарэнка ў інтэрв`ю «Народнай волі». – Я цяпер у водпуску, вяду такі вольны лад жыцця, цяпер вось на рыбалку збіраюся. Калі хочаце — хадзем разам… А пра сваю адстаўку я пакуль ні з кім гаварыць не хачу. Мая адстаўка — гэта рашэнне прэзідэнта, якое не абмяркоўваецца… Што тычыцца Ломаця, то калі б гэта была правакацыя супраць міністра ўнутраных спраў Уладзіміра Навумава, як пішуць некаторыя сайты, то Навумаў быў бы ў маім становішчы, а не я…»