Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Лукашэнка: «У Еўропе хлеба няма, і не будзе» 13:18, 26/07/2007
Сёння на традыцыйнай селектарнай нарадзе, прысвечанай уборачнай кампаніі ў Беларусі, А.Лукашэнка спрагназаваў крызіс сусветнага рынку збожжа, паведамляе «Інтэрфакс».
«У Еўропе, Расеі і Украіне хлеба няма, і не будзе... Толькі за апошні месяц збожжа на сусветным рынку падаражэла на 50%, імкліва даражэе хлеб на прылаўках крам у суседніх дзяржавах», – заявіў сёння Лукашэнка падчас селектарнай нарады па пытаннях уборкі ўраджаю.
«У краіне добры хлеб... Мы закупілі вялікую колькасць збожжаўборачных камбайнаў як айчыннай так і імпартнай вытворчасці...Калі мы аператыўна і якасна сабярэм ураджай, то не толькі задаволім запатрабаванні ўнутранага рынку, але і створым запас», – заявіў Лукашэнка.
Пры гэтым Лукашэнка не мае намеру дапамагаць пакінутым без хлеба краінам Еўропы, а будзе з яго дапамогай ствараць «золатавалютны запас».
«Можна нават экспартаваць збожжа па такіх высокіх цэнах, але наўрад ці гэта трэба будзе рабіць», – тут жа раздумаўся Лукашэнка. – «Неабходна зрабіць добры запас на будучыя гады, гэта будзе так званы золатавалютны запас Беларусі».
