Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка «пераставіў» генералаў 10:31, 27/07/2007
Аляксандр Лукашэнка сваімі ўказамі 26 ліпеня зрабіў шэраг прызначэнняў ва Узброеных сілах краіны.
Паводле інфармацыі прэс-службы кіраўніка дзяржавы, палкоўнік Аляксандр Ройка прызначаны намеснікам начальніка Генеральнага штаба Узброеных сілаў па баявым упраўленні, паведамляе БелаПАН.
Генерал-маёр Люцыан Сурынт прызначаны камандуючым сіламі спецыяльных аперацый Узброеных сілаў. Ён вызвалены ад пасады намесніка камандуючага сухапутнымі войскамі – начальніка ўпраўлення баявой падрыхтоўкі і падрыхтоўкі рэзерваў. На гэтую пасаду прызначаны генерал-маёр Валеры Хахлоў, які раней займаў пасаду першага намесніка начальніка Ваеннай акадэміі Беларусі.
Начальнікам штаба – першым намеснікам камандуючага войскамі Заходняга аператыўнага камандавання Узброеных сілаў прызначаны палкоўнік Аляксей Еўсцігнееў, намеснікам камандуючага войскамі Заходняга аператыўнага камандавання – палкоўнік Алег Белаконеў.
