17% расейцаў не ў сілах трываць «бядотнае становішча» :: Хартыя'97 :: Навiны

Большасць расейцаў у той ці іншай ступені задавальняе жыццё, якое яны вядуць цяпер. Пра гэта паведамляе "Інтэрфакс", спасылаючыся на дадзеныя апытання "Левада-Цэнтру". Сацыёлагі апыталі больш як дзве тысячы сталых расейцаў.

Цяпер тры чвэрці расейцаў (76%) сцвярджаюць, што ў іх у жыцці "ўсё не так дрэнна", а жыць – "цяжка, але можна". Аднак 17% апытаных не ў стане трываць сваё "бядотнае становішча", піша NEWSru.com.

Пры гэтым большасць расейцаў (прыкладна дзве траціны) у цэлым задавальняе жыццё, якае яны вядуць цяпер, астатніх (прыкладна траціну) альбо не задавальняе, альбо яны не здолелі даць ацэнку.

Паводле дадзеных сацыёлагаў, каля траціны расейцаў таксама аптымістычна глядзяць у будучыню, трохі больш рэспандэнтаў (39%) мяркуюць, што ў самы блізкі год ніякіх паляпшэнняў у іх жыцці не адбудзецца.

Сваёй галоўнай праблемай, якая цяпер ускладняе жыццё, дзве траціны расейцаў (62%) назвалі нізкія прыбыткі і недахоп сродкаў. Сярод іншых прычын рэспандэнты адзначалі таксама дрэннае здароўе (29%), бытавыя цяжкасці (19%), стомленасць (15%), небяспеку страціць працу (14%), дрэннае жыллё (13%).

Ацэньваючы падчас узаемін з сацыёлагамі цяперашняе эканамічнае становішча Расеі, толькі 13% рэспандэнтаў назвалі яго "вельмі добрым", 47% лічаць "сярэднім", а 27% – "дрэнным".

Разам з тым 38% апытаных расейцаў перакананыя, што эканамічныя рэформы ў краіне неабходна працягваць, 20% настойваюць на іх спыненні.

На думку некаторых рэспандэнтаў, яны сталі больш халоднымі (так лічыць 47%), бяднейшымі (37%), больш нетрывалыя па дачыненні адзін да аднаго (36%), страцілі надзею, што змогуць жыць лепш (27%).

Большасць удзельнікаў апытання (больш як 90%) таксама лічаць, што ўлада ў цяперашняй Расеі ўжо не падобная на ўладу савецкай эпохі. Пры гэтым чвэрць рэспандэнтаў сцвярджаюць, што яна змянілася цалкам і толькі 3% бачаць яе такой самай.

Галоўным адрозненнем рэспандэнты лічаць тое, што цяпер улады зусім перасталі думаць пра простых людзей, а пераследуюць толькі ўласныя інтарэсы (48%), і не могуць справіцца з праблемамі ў краіне (39%).

Сярод дасягненняў апытаныя расейцы адзначылі намаганні расейскіх улад па нармалізацыі стасункаў з Захадам (30%), узняццю прэстыжу Расеі ў свеце (27%), навядзенню парадку ў краіне (9%).