АБСЕ: У беларускім Інтэрнэце практыкуецца цэнзура :: Хартыя'97 :: Навiны

Агляд, падрыхтаваны Арганізацыяй па бяспецы і супрацоўніцтву ў Еўропе (АБСЕ), сведчыць пра тое, што больш як 20 краін увялі абмежаванні на выкарыстанне Інтэрнэту з мэтай перашкоды распаўсюджванню невыгоднай уладам інфармацыі.

Сярод краін, якія згадваюцца ў дакладзе АБСЕ, фігуруюць Кітай, Іран, Судан, Беларусь, Казахстан і Грузія, піша Корреспондент.net

«Апошнія крокі супраць свабоды слова ў Інтэрнэце ў шэрагу краін з`яўляюцца горкім напамінам пра тое, з якой стараннасцю некаторыя рэжымы, як дэмакратычныя, так і дыктатарскія, імкнуцца задавіць непажаданыя ім выказванні», – гаворыцца ў дакладзе.

«Хоць у сетцы дасягнутая беспрэцэдэнтная свабода выказванняў, мы назіраем распаўсюджванне цэнзуры ў Інтэрнэце», – адзначаецца ў дакуменце.

У Казахстане правіла карыстання Інтэрнэтам настолькі няпэўныя і палітызаваныя, што любая інтэрпрэтацыя спрыяе з`яўленню «шпіёнаманіі» савецкага ўзору. У дакладзе таксама гаворыцца, што любая апазіцыйная асоба або арганізацыя ў гэтай краіне можа быць абвешчаная пагрозай нацыянальнай бяспецы.

Арганізацыя спасылаецца на падзеі мінулага года, калі Казахстан абмежаваў выкарыстанне дамена .kz і закрыў сайт брытанскага коміка Сашы Барона Коэна, які набыў папулярнасць пасля фільма «Борат».

З пункту гледжання АБСЕ, у заканадаўстве Грузіі ёсць «супярэчлівыя і нядастаткова вызначаныя» становішчы, якія могуць «стварыць рычаг для пазапраўных абмежаванняў» свабоды самавыяўлення ў Інтэрнэце.