Міхаіл Марыніч: Беларускай эканоміцы патрэбныя грошы :: Хартыя'97 :: Навiны

Сёння беларускі прэм`ер Сяргей Сідорскі правядзе ў Маскве перамовы з расейскім калегам Міхаілам Фрадковым. Бакі абмяркуюць «пытанні ўзаемадзеяння дзвюх краін у энергетычнай сферы», паведамляе прэс-служба ўрада Беларусі. Тэмай перамоваў, несумнеўна, стане доўг Беларусі за газ, назапашаны з пачатку года і дасягнуўшы амаль паловы мільярда даляраў.

На думку экспертаў, у Менска грошы на пагашэнне запазычанасці ёсць. Чаму ж тады беларускія ўлады ўпадабалі звярнуцца да Расеі з просьбай аб крэдыце ў памеры 1,5 мільярдаў даляраў. Пра гэта «Времени новостей» распавёў былы міністр знешніх эканамічных сувязяў Беларусі Міхаіл МАРЫНІЧ.

– У Беларусі сапраўды ёсць грошы, каб разлічыцца з даўгамі. Наяўныя плацяжы за газ беларускія спажыўцы аплачваюць у поўным аб`ёме. Да таго ж Менск атрымаў 625 млн. дал. за прададзеныя «Газпрому» 12,5% акцый «Белтрансгаза». Але беларускае кіраўніцтва не можа змірыцца з думкай, што за газ трэба плаціць удвая даражэй, чым летась, а з часам давядзецца плаціць яшчэ больш.

– Ці існуюць эканамічныя прычыны, па якіх Менск не спяшаецца расплачвацца за газ?

– Думаю, што Беларусь разлічвае ў выпадку неабходнасці выкарыстаць атрыманыя ад прыватызацыі «Белтрансгаза» сродкі на падтрыманне нацыянальнай валюты. Гэтае пытанне можа стаць вельмі вострым, бо ўжо сёння ўзніклі складанасці з гандлёвым балансам. Дэфіцыт знешняга гандлю нарастае як снежны кім. Існуюць і іншыя праблемы – складскія запасы гатовай прадукцыі працягваюць расці, а знос асноўных фондаў дасягае 85%. Эканоміцы сапраўды патрэбныя грошы.

– Няўжо прыцягненне расейскага крэдыту можа стаць развязаннем праблемы?

– Нарошчванне даўгоў без правядзення рынкавых ператварэнняў у эканоміцы – гэта тупіковы шлях. Добрым рашэннем магло б стаць прыцягненне прамых замежных інвестыцый. Але для гэтага неабходна правесці эканамічныя рэформы, на якія ўрад ісці не хоча.

– Але ж беларускае кіраўніцтва заявіла пра магчымасць прыватызацыі значных прадпрыемстваў, у тым ліку нафтаперапрацоўчай сферы. Можа, гэта і стане пачаткам рэформ?

– Хутчэй за ўсё Беларусь сапраўды прадасць Расеі акцыі прывабных беларускіх заводаў. Гэта можа стаць тайнай умовай выдзялення крэдыту. Магчыма, дзякуючы прыватызацыі ў Менска атрымаецца дамагчыся некаторых ільгот па пастаўках энергарэсурсаў. Аднак у гэтым выпадку наўрад ці пойдзе гаворка пра продаж прадпрыемстваў праз адкрытыя аўкцыёны, што дазволіла б прыцягнуць найлепшых партнёраў – магчыма, з той жа Расеі – на самых выгодных умовах. Прыватызацыя будзе вырабляцца на ўмовах, якія прадыктуе пакупнік.