Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Станіслаў Багданкевіч: Паніжэнне стаўкі рэфінансавання падштурхне інфляцыю 13:45, 30/07/2007
Стаўка рэфінансавання Нацыянальнага банку Беларусі з 1 жніўня 2007 года зніжаецца на 0,25%. Яе ўзровень складзе 10,5% гадавых. Такое рашэнне прынятае ўпраўленнем Нацыянальнага банка. Гэтаму спрыяе невысокі ўзровень інфляцыі, тлумачаць у Нацбанку. «Мае жыццёвыя назіранні паказваюць, што ў нас няма паніжэння ўзроўню інфляцыі. У краіне значна павялічылася грашовая маса», – пракаментаваў прэс-цэнтру Хартыя’97 рашэнне Нацыянальнага банку доктар эканамічных навук Станіслаў Багданкевіч.
«У нас назіраецца рост грашовай масы. На 60% па дачыненні да мінулага году ўзраслі аб`ёмы крэдытавання. Гэта шмат. Паніжэнне стаўкі рэфінансавання яшчэ больш павялічыць колькасць грошай у звароце, бо крэдыты стануць больш даступнымі, а дэпазіты менш прывабнымі. А гэта ў сваю чаргу, паводле законаў эканомікі, прыводзіць да інфляцыі і дэвальвацыі нацыянальнай валюты. Дзяржаве трэба б абмежаваць выдачу крэдытаў, звязаць лішнія грошы. Гэта дазволіла б зрабіць як раз такі падвышэнне стаўкі рэфінансавання», – лічыць Станіслаў Багданкевіч.
, iнформэр
