Кастра кінуў у турму сем`і ўцёклых баксёраў :: Хартыя'97 :: Навiны

Сваякі уцёклых з размяшчэння зборнай Кубы алімпійскіх чэмпіёнаў па боксе часова заключаныя ў турму, нерухомасць і аўтамабілі, якія былі падораныя спартсменам за іх дасягненні, канфіскаваныя. Пра гэта ў інтэрв`ю East Side Boxing заявіў кіраўнік кабельнага канала Arena TV Ахмед Анер, у якога трэніруюцца ўцёклыя баксёры.

Нагадаем, што ў студзені гэтага года алімпійскія чэмпіёны Адланьер Соліс, Юрыоркіс Гамбоа і Ян Бартэлемі самавольна пакінулі трэніравальны лагер зборнай, а ў ліпені падчас Панамерыкансуіх гульняў у Бразіліі з каманды збеглі алімпійскі чэмпіён Гільерма Рыгонда і чэмпіён свету Эрысландзі Лара. Усе пяцёра ў выніку апынуліся ў Нямеччыне, дзе іх прамоўтэрам стаў Анер, паведамляе Lenta.ru.

Па яго словах, спартсмены, якія даведаліся пра меры ў дачыненні іх сем`яў, адмовіліся ад усіх каментараў, бо асцерагаюцца, што пакінутыя на Кубе сваякі могуць пацярпець яшчэ больш. Анер падкрэсліў, што паводле яго інфармацыі, кубінскія спецслужбы і асабіста Фідэль Кастра абвінаваціў Гамбоа, Бартэлемі і Соліса ў тым, што яны спрыялі пабегу Рыгонды і Лары.

"Гэта памылка. Яны самі хацелі з`ехаць, каб зарабіць грошай і забяспечыць сваім сем`ям годнае жыццё. Ніхто не павінен пераследавацца за тое, каб быць свабодным. Пераслед нашых баксёраў гаворыць пра тое, якой "прававой" дзяржавай з`яўляецца Куба. Свабода і правы чалавека павінны паважацца ва ўсім свеце", – заявіў Анер.