Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
3 жніўня актывісты кампаніі "Jeans – за Свабоду!" правялі акцыю каля аднаго з апорных пунктаў міліцыі ў Фрунзенскім раёне Менска. На электрапровадах паміж дамамі насупраць яго быў вывешаны нацыянальны сцяг, а на сцяне аднаго з дзевяціпавярховых дамоў расцяжка "Міліцыя – з народам!". Усё гэта было добра відаць з апорнага пункта міліцыі.
Гэтай акцыяй маладыя актывісты апазіцыі нагадалі працаўнікам міліцыі, што іх абавязак – абараняць народ, у тым ліку і тых, хто мае не аднолькавыя з уладамі погляды.