Беларускія самаскіды прадаюць у Іран :: Хартыя'97 :: Навiны

Беларускі аўтамабільны завод адправіў 10 самаскідаў грузападымальнасцю 30 тон іранскай будаўнічай кампаніі "Фараб". Машыны будуць эксплуатавацца на будаўніцтве гідраэлектрастанцыі ў Таджыкістане, дзе працуе гэтая буйная іранская кампанія, паведамілі карэспандэнту БелТА на БелАЗе.

Паводле ацэнцы спецыялістаў маркетынгавых службаў прадпрыемства, супрацоўніцтва БелАЗа з Іранам за апошні год выйшла на новы ўзровень развіцця. Амерыканскія кар`ерныя самаскіды, якія выкарыстоўваліся раней у Іране, знасіліся, і абнаўленне парку здзяйсняецца ў асноўным за кошт беларускіх аўтамабіляў.

Найбольшую цікавасць іранскія кампаніі выяўляюць да 30-тонавым самаскідам. Карыстаецца поспехам і іншая тэхніка – з пачатку года ў Іран адпраўленае 5 самаскідаў асоба вялікай грузападымальнасці 130 тон і 5 адзінак аўтатэхнікі "МоАЗ" Магілёўскага аўтазавода, які ўваходзіць у склад ПА "БелАЗ". У красавіку гэтага года завяршыліся эксплуатацыйныя выпрабаванні трох 130-тоннікаў, адпраўленых летась. Атрыманыя добрыя вынікі працы гэтых машын. У Іране пастаянна знаходзяцца спецыялісты БелАЗа, якія займаюцца абслугоўваннем машын і забеспячэннем запаснымі часткамі. У жніўні ў гэтую краіну будуць адпраўленыя яшчэ 5 машын грузападымальнасцю 130 тон.

Супрацоўнікі БелАЗа наладзілі сістэму абмену інфармацыяй аб аўтамабілях з горназдабыўнымі кампаніямі Ірана. У канцы мінулага года тэхнічныя спецыялісты іранскіх кампаній пазнаёміліся з вынікамі працы беларускіх кар`ерных самаскідаў у Расеі, у прыватнасці, Кузбасе. Іранцы навочна ўбачылі магчымасці гэтых аўтамабіляў, упэўніліся ў працяглых тэрмінах іх эксплуатацыі ў цяжкіх горных умовах.

7 жніўня на Беларускім аўтамабільным заводзе пабывае парламенцкая дэлегацыя Ірана і пазнаёміцца з новымі дасягненнямі прадпрыемства.

Беларускі аўтамабільны завод заснаваны ў 1948 годзе ў горадзе Жодзіна. Асноўнай прадукцыяй ПА "БелАЗ" з`яўляюцца кар`ерныя самаскіды, франтальныя колавыя пагрузчыкі і бульдозеры, цягачы-эвакуатары, спецыяльныя транспартныя сродкі для падземных прац, цяжкавозы для металургічнай вытворчасці і іншыя спецыялізаваныя тэхналагічныя машыны