Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі плануюць зрабіць больш жорсткім пакаранне за скажэнне дадзеных статыстычнай справаздачнасці. Адпаведныя папраўкі ў Кодэкс аб адміністрацыйных правапарушэннях абмеркавалі ў Пастаяннай камісіі па бюджэце, фінансах і падатковай палітыцы «палаты прадстаўнікоў» «нацыянальнага сходу».
Па словах «дэпутата» Фёдара Стрыкава, законапраект прадугледжвае, што непадаванне або няўчаснае падаванне справаздачнасці, а таксама скажэнне статыстычных дадзеных пацягне за сабою штрафныя санкцыі для службовай асобы да 120 базавых велічынь, індывідуальнага прадпрымальніка – да 150, юрыдычнай асобы – да 200 базавых велічынь, піша «Народная газета».
Пры паўторнае здзяйсненне правапарушэння цягам аднаго года пасля накладання адміністрацыйнага спагнання на службовую асобу прапаноўваецца накладаць штраф ужо ў памеры да 350 базавых велічынь. Максімальны штраф для індывідуальных прадпрымальнікаў і юрыдычных асоб плануецца ўсталяваць у памеры 400 і 450 базавых велічынь адпаведна.
Дадзены праект закона «дэпутаты» плануюць разгледзець на восеньскай сесіі.
