Мінэканомікі прапаноўвае знізіць падаткі :: Хартыя'97 :: Навiны

Пры падрыхтоўцы прагнозу сацыяльна-эканамічнага развіцця Беларусі на 2008 год Міністэрства эканомікі зыходзіць з росту цэн на энерганосьбіты на 15–20%. Кампенсаваць рост цэн на энергарэсурсы для прадпрыемстваў Мінэканомікі прапаноўвае з дапамогай паніжэння падатковай нагрузкі, у прыватнасці, адмены адваротных падаткаў.

Пра гэта паведаміла намесніца кіраўніка ведамства Таццяна Старчанка на прэс-канферэнцыі, якая адбылася 9 жніўня ў Менску, паведамляе БелаПАН.

Нагадаем, што згодна з падпісаным 31 снежня 2006 года кантрактам, разлік цаны расейскага газу для Беларусі з 2008 года будзе здзяйсняцца па еўрапейскай формуле. З 1 студзеня наступнага года формула цаны на газ будзе адпавядаць аналагічным разлікам пры пастаўках расейскага газу ў Еўропу. Пры гэтым прадугледжаныя паніжаючыя каэфіцыенты: на 2008 год — 67%, на 2009 — 80%, на 2010 год — 90%. Да 2011 года Беларусь павінна выйсці на 100-адсоткавую аплату цаны па еўрапейскай формуле.

У сувязі з далейшым ростам кошту энергарэсурсаў і неабходнасцю выканання прагнозных параметраў эканамічнага развіцця Мінэканомікі прапаноўвае знізіць падатковую нагрузку на прадпрыемствы, адмяніўшы адваротныя падаткі. "Паніжэнне падатковай нагрузкі павінна спрыяць кампенсаванню росту кошту энерганосьбітаў, гэта дазволіць не пагоршыць фінансавае становішча прадпрыемстваў", – лічыць Старчанка.