Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Еўракамісія разгледзіць газавы канфлікт Расеі і Беларусі 14:59, 14/08/2007
Еўрапейская камісія мае намер на наступным тыдні правесці нараду Газавай каардынацыйнай групы з мэтай прааналізаваць сітуацыю з забеспячэннем газу ў кантэксце апошняга газавага канфлікту паміж Расеяй і Беларуссю. Пра гэта паведамляе УНІАН са спасылкай на Прадстаўніцтва Еўрапейскай Камісіі ва Украіне, Малдове і Беларусі.
Як адзначаецца ў паведамленні, бяспечнае і бесперабойнае энергазабеспячэнне з`яўляецца надзвычай важным для еўрапейскай эканомікі. Таму канфлікты ў сферы энергазабеспячэння суседніх краін з`яўляюцца для ЕЗ пытаннем, якому неабходны сур’ёзны разгляд.
Камісія заклікае абодва бакі канфлікту пры ўсялякіх акалічнасцях не парушаць прама ці ўскосна газавае забеспячэнне краін Еўрапейскага Звязу.
Газавая каардынацыйная група была створаная згодна з Дырэктывай 2004/67/EЗ з мэтай аховы гарантыі забеспячэння прыроднага газу. У яе ўваходзяць прадстаўнікі краін-удзельніц ЕЗ, прадстаўнікі зацікаўленых прамысловых арганізацый і спажыўцоў вялікіх аб`ёмаў прыроднага газу.
