Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь плануе ўвесці бязвізавы рэжым з Аргенцінай, Малайзіяй і Венесуэлай. Пра гэта паведаміў карэспандэнту БелТА начальнік консульскага ўпраўлення Міністэрства замежных спраў Беларусі Андрэй Гіра.
"Мы ўжо абмяняліся з гэтымі трыма краінамі праектамі пагадненняў, і цяпер ідзе актыўная праца па ўзгадненні дакументаў. Мы разлічваем цягам паўгода-года выйсці на падпісанне пагадненняў", – сказаў ён.
Начальнік консульскага ўпраўлення падкрэсліў, што Беларусь выступае за спрашчэнне візавага рэжыму з максімальна вялікай колькасцю краін свету. "Дамоўленасці аб бязвізавых паездках грамадзян вельмі важныя для актыўнага развіцця гандлёва-эканамічных, інвестыцыйных, гуманітарных, навукова-тэхнічных і культурных сувязяў", – дадаў Андрэй Гіра.
