Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыі салідарнасьці з Казуліным пройдуць па ўсёй Беларусі 18:10, 15/08/2007
У Берасьці, Баранавічах, Клецку, Магілёве і ў іншых гарадох Беларусі актывісты Беларускай сацыял-дэмакратычнай партыі (Грамада), Партыі камуністаў беларускай і Свабоднага прафсаюза беларускага падалі заяўкі на правядзеньне 30 жніўня пікетаў у падтрымку зьняволенага былога кандыдата ў прэзыдэнты Аляксандара Казуліна.
Пра гэта «Радыё Свабода» паведаміў адзін зь лідэраў БСДП (Грамада) Анатоль Ляўковіч. Акцыі прымеркаваныя да 500 дзён утрыманьня Аляксандара Казуліна ў зьняволеньні.
“Ягоныя родныя, сябры і паплечнікі непакояцца станам здароўя палітвязьня. Да яго не даходзяць лісты з волі. У турме Аляксандара Казуліна пазбаўляюць газэт ды іншых носьбітаў інфармацыі”, -- распавёў палітык.
Анатоль Ляўковіч лічыць, што “пікеты ўзмоцняць акцыю салідарнасьці з Казуліным і прыцягнуць увагу грамадзкасьці да палітычна матываванага ўтрыманьня за кратамі аднаго зь лідэраў беларускай апазыцыі”.
