Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Экс-міністр эканомікі Расеі: «Беларусь паставіла крыж на стварэнні адзінай валюты» 15:19, 15/08/2007
Намер Беларусі зрабіць арыенцірам для сваёй валюты даляр ЗША замест расейскага рубля гаворыць пра тое, што "канчаткова можна паставіць крыж на ўсіх гутарках пра стварэнне адзінай валюты, што было галоўнай умовай і галоўнай перадумовай стварэння рэальнай саюзнай дзяржавы", сказаў у эфіры радыё "Эхо Москвы" прэзідэнт банка "Расейская фінансавая карпарацыя", экс-міністр эканомікі РФ Андрэй Нячаеў.
"Гэтая заява чыста палітычнага характару, – лічыць эканаміст, адзначаючы што беларуская эканоміка вельмі моцна прывязаная да расейскай эканомікі, і пераважная частка знешнеэканамічнага таваразвароту рэспублікі ідзе з Расеяй". Паводле яго слоў, Беларусі значна важней, як будуць адбівацца суадносіны ў пары расейскі рубель – беларуская нацыянальная валюта. Тым больш, што даляр цяпер перажывае даволі цяжкі перыяд на сусветных рынках. "У гэтым сэнсе было б больш лагічна спрабаваць увязваць гэта або з нейкай бівалютнай карцінай тыпу еўра-даляр, або прывязвацца да еўра", – растлумачыў эканаміст.
У праекце фінансавай палітыкі Беларусі на 2008 год не выключаецца магчымасць пераарыентацыі Менска на даляр.
