Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністэрства абароны Рэспублікі Беларусь у адказе на запыт РПГА «Беларускі Хельсінкскі Камітэт» (БХК) пацвердзіла выкарыстанне прымусовай працы ў транспартных войсках.
Салдаты, якія прыцягваюцца да будаўнічых прац, не звязаных з нясеннем воінскай службы, фактычна набываюць статус грамадзянскіх асоб, хоць працягваюць падпарадкоўвацца вайсковаму камандаванню, што ў сваю чаргу не пакідае за імі права выбару.
БХК лічыць, што прымус салдат тэрміновай службы да працы, які не носіць вайсковага характару, парушае іх правы, замацаваныя ў арт. 41 Канстытуцыі Рэспублікі Беларусь і арт. 8 Міжнароднага пакта аб грамадзянскіх і палітычных правах. Людзі ў актыўным маладым узросце замест ваеннай службы, прафесійнага росту і атрымання грашовай выгады змушаныя займацца непрадукцыйнай працай за мізэрную плату.
На думку БХК, выкарыстанне прымусовых вайскоўцаў у якасці таннай працоўнай сілы таксама невыгоднае грамадству, бо адмоўна адбіваецца на выхаванні маладога пакалення.
БХК заклікае кампетэнтныя органы дзяржаўнай улады на падставе Канстытуцыі адмяніць заканадаўчыя нормы, якія «ўзаконілі» выкарыстанне рабскай працы ў Беларусі.
