Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Збітая актывістка дастаўленая ў шпіталь з дыягназам «чэрапна-мазгавая траўма» 09:37, 17/08/2007
Моладзевая актывістка Таццяна Цішкевіч пасля збівання ў Дзень салідарнасці знаходзіцца ў аддзяленні нейрахірургіі 9-га шпіталя Менска. Як паведаміла прэс-цэнтру Хартыі’97 праваабаронца Ірына Тоўсцік, медыкі паставілі дзяўчыне дыягназ – “чэрапна-мазгавая траўма лёгкай ступені”.
Сёння раніцай у шпіталь да актывісткі прыходзіў супрацоўнік міліцыі і здымаў паказанні.
Таццяна Цішкевіч была збітая 16 жніўня падчас затрымання ў Менску моладзевага лідэра Мікіты Сасіма. Дзяўчына паспрабавала ўступіцца за актывіста, калі яго позна ўвечары схапілі ля кінатэатра «Масква» невядомыя людзі ў цывільным. У адказ яны павалілі дзяўчыну на зямлю і нанеслі некалькі ўдараў нагамі.
