Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Выступленьне рок-гурту “N.R.M.” мелася адбыцца ў Магілёве 9 верасьня на пляцоўцы дыска-клюбу “Ліга”. Арганізоўваць канцэрт браўся Магілёўскі гарадзкі цэнтар культуры і адпачынку.
Прычыны забароны канцэрту невядомыя. Лідэр гурту Лявон Вольскі кажа, што арганізатарам патэлефанаваў дужа ўплывовы чалавек.
“Арганізатарам канцэрту выступала дзяржаўная структура, як ні дзіўна, Цэнтар культуры. Ім нехта патэлефанаваў, таямніча, як заўсёды, а далей я ў іх пытаўся – хто, што. Той чалавек, які са мной, гаворыць, што ня ведае хто – нейкі таямнічы, уплывовы чалавек. Усё ідзе паводле пляну”, – паведаміў “Радыё Свабода” лідэр гурту Лявон Вольскі.
Першапачаткова канцэрт “N.R.M.” арганізатары плянавалі правесьці 26 жніўня, але адмянілі праз хваробу Лявона Вольскага. Тады пастанавілі правесьці канцэрт 9 верасьня. Разам з “N.R.M.” зьбіраўся выступіць і гурт “NizKiz”.
