Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Велапрабег з нацыянальнымі сьцягамі (фота) 15:50, 20/08/2007
Салігорская арганізацыя «Малады Фронт» зладзіла ўчора велапрабег па цэнтральных вуліцах гораду. На кожным ровары быў прымацаваны нацыянальны бел-чырвона-белы сьцяг.
Распачаўся велапрабег ля будынку суду, дзе бліжэйшым часам распачнецца судовы працэс над актывістам Іванам Шылам. Праз 15 хвілінаў “маладафронтаўцы” дабраліся да плошчы, дзе іх ужо сустракала група моладзі, і на знак вітаньня ўзьняла яшчэ некалькі бел-чырвона-белых сьцягоў. Наступныя паўгадзіны жыхары гораду мелі магчымасьць назіраць незвычайнае для беларускіх рэаліяў відовішчы: маладзёны на роварах зрабілі зь дзесятак колаў вакол плошчы, ля сцэны луналі нацыянальныя шдандарты, паведамляе прэс-служба МФ.
Для затрыманьня групы моладзі былі выкліканы дзесяткі супрацоўнікаў міліцыі і аховы, некалькі аўтамашынаў. Моладзь фактычна ўзялі ў кола. Большасьці раварыстаў пашанцавала застацца на волі, негледзячы на тое, што міліцыя распачала сапраўднае паляваньне.
Супрацоўнікі міліцыі затрымалі Віктара Гаргуна. Хлопец рухаўся па горадзе з вудамі. Міліцыянты падазраюць, што менавіта на іх актывіст чапляў сьцягі. Івана Шылу затрымлівалі каля дзесяці супрацоўнікаў міліцыі і аховы. Пры затрыманьні было задзейнічана 3 аўтамашыны.
Падчас затрыманьня Шылу моцна зьбілі. У міліцыі склалі два пратаколы, традыцыйна абвінаваціўшы маладзёна ў лаянцы матам, і непадпарадкаваньню законым патрабаваньням міліцыянтаў.
