Узмацніцца спагнанне з неплацельшчыкаў за паслугі ЖКГ :: Хартыя'97 :: Навiны

Жыллёва-камунальныя прадпрыемствы зробяць больш жорсткім спагнанне са злосных неплацельшчыкаў за паслугі ЖКГ, сказаў у гутарцы з карэспандэнтам БелТА першы намеснік міністра ЖКГ Беларусі Генадзь Ляпуноў.

Камунальнікі маюць намер і надалей выкарыстоўваць натарыяльныя выканаўчыя надпісы і спаганяць запазычанасці праз суд. Пытанні каардынацыі дзейнасці судовых органаў і Мінжылкамгаса абмяркоўваліся на нядаўняй сумеснай нарадзе ў Міністэрстве, сказаў Генадзь Ляпуноў. Разам з тым, прадпрыемствы ЖКГ працягнуць практыку адмовы ад збірання пені за пратэрмінаваныя плацяжы пры ўмове пагашэння запазычанасці і своечасовага занясення наяўных плацяжоў.

Першы намеснік міністра таксама нагадаў, што Міністэрствам распрацаваны і прадстаўлены на разгляд дэпутатаў праект Жыллёвага кодэкса. У ім упершыню прапаноўваецца вызначыць адказнасць уласніка жылля за неаплату камунальных паслуг аж да перасялення ў іншае менш камфартабельнае жыллё. Да гэтага такія кардынальныя меры маглі ўжывацца толькі да наймальнікаў, дадаў ён.

Як адзначыў Генадзь Ляпуноў, апошнім часам не назіраецца тэндэнцыі павелічэння запазычанасці насельніцтва за паслугі ЖКГ, наадварот, у летні перыяд даўгі, назапашаныя за ацяпляльны сезон, гасяцца.