Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка заклапаціўся занятасцю моладзі 11:20, 21/08/2007
Аляксандр Лукашэнка ў панядзелак занёс дапаўненне і змены ў свой указ "Аб некаторых пытаннях арганізацыі дзейнасці студэнцкіх атрадаў".
"Дакумент выдадзены з мэтай падвышэння эфектыўнасці арганізацыі занятасці моладзі ў свабодны ад вучобы і асноўнай працы час", – паведамілі "Інтэрфаксу" ў прэс-службе кіраўніка дзяржавы.
Там адзначылі, што студэнцкія атрады могуць стварацца ў перыяд з 1 траўня па 30 верасня для працы ў галіне адукацыі, аховы навакольнага асяроддзя, будаўніцтва, сельскай гаспадаркі.
Акрамя таго, удакладнілі ў прэс-службе, моладзь можа быць занятая і ў сферы аказання паслуг: працаваць у складзе прыёмных камісій устаноў адукацыі, праваднікамі чыгуначнага транспарту, выконваць дапаможныя працы ў пунктах грамадскага харчавання дзіцячых аздараўленчых лагераў, а таксама па спецыяльнасцях школьных навучальна-вытворчых камбінатаў. Для працы будаўнічых атрадаў дазволенае прыцягненне арганізацый прыватнай формы ўласнасці.
"Прынятыя меры створаць дадатковыя магчымасці для вырашэння праблем працаўладкавання і другаснай занятасці моладзі", – заявілі ў прэс-службе, удакладніўшы, што ўказ уступае ў сілу з 1 студзеня 2008 года.
