Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мінула тры гадзіны з моманту затрымання акцёраў і гледачоў «Свабоднага тэатра» 23:57, 22/08/2007
Мінула тры гадзіны з моманту затрымання супрацоўнікамі АМАПа акцёраў і кіраўнікоў «Свабоднага тэатра». Паводле Кодэкса аб адміністрацыйных правапарушэннях, міліцыя абавязаная вызваліць усіх затрыманых.
Нагадаем, што прыкладна ў 20.30 супрацоўнікі палка міліцыі спецыяльнага прызначэння (былы АМАП) уварваліся ў прыватны дом у раёне плошчы Бангалор у Менску, дзе праходзіў прэм`ерны спектакль беларускага «Свабоднага тэатра» па п`есе Эдварда Бонда «11 кашуль». Пра гэта прэс-цэнтру Хартыі’97 паведаміў кіраўнік тэатра Мікалай Халезін. Затрыманыя больш як 50 гледачоў спектакля, у тым ліку сам Мікалай Халезін і яго жонка Наталля Каляда, французскі рэжысёр Крысціян Бенедэцці, кіраўніцтва французскага тэатра-студыі «Артфотвиль» і два выкладчыкі адной з галандскіх вышэйшых тэатральных школ. Замежнікаў вызвалілі, аднак астатнія працягваюць знаходзіцца ў Савецкім РУУС.
