Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Валянцін Акудовіч: Затрыманне «Свабоднага тэатра» пераходзіць усе межы 12:10, 23/08/2007
Замест таго каб падтрымаць таленавітых людзей Беларусі, дзяржава санкыянуе іх разгон, заявіў культуролаг і філосаф Валянцін Акудовіч, каментуючы затрыманне 22 жніўня ў Менску кіраўнікоў, акцёраў і гледачоў "Свабоднага тэатра".
На яго думку, нават у савецкі час "не сачылі так пільна за праявамі свабоднай творчай дзейнасці". "Гэта пераходзіць усе межы, – заявіў Акудовіч у інтэрв`ю БелаПАН. Міліцыя сочыць за кожным крокам "Свабоднага тэатра". Немагчыма ўявіць, каб у еўрапейскай краіне затрымлівалі толькі за тое, што пастаўлены спектакль незарэгістраванага тэатра".
Нагадаем, акцёры тэатра і гледачы, якія прыйшлі на прэм`ерны паказ спектакля "11 кашуль", былі затрыманыя байцамі палка міліцыі спецыяльнага прызначэння. Гэта адбылося ў прыватным доме ў раёне плошчы Бангалор. Ва УУС Савецкага раёна былі дастаўленыя каля 50 чалавек, у тым ліку пяць замежных грамадзян – два галандцы і тры французы. Апошнія – кіраўнікі французскага тэатра-студыі "Артфотвиль". Акрамя таго, у міліцыю патрапілі трое дзяцей да сямі гадоў, якія прыйшлі на прэм`еру з бацькамі. Усе затрыманыя напісалі тлумачальныя запіскі і былі адпушчаныя позна ўначы.
