Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Віцебскі абласны суд адмовіў у аднаўленні на працы Таццяне Севярынец, маці апазіцыйнага палітыка Паўла Севярынца.
У інтэрв`ю БелаПАН Севярынец адзначыла, што суд не звяртаў увагі на яе довады, падмацаваныя адпаведнымі артыкуламі законаў, а наадварот ігнараваў факты, дзякуючы якім прыйшлося б прыняць рашэнне аб аднаўленні на працы. "Рашэнне віцебскага суду яшчэ адзін раз пацвярджае, што законы ў нашай краіне не працуюць", – заявіла яна.
Таццяна Севярынец абскардзіць рашэнне Віцебскага абласнога суду ў вышэйстаячай інстанцыі.
Нагадаем, Таццяна Севярынец 19 красавіка 2007 года атрымала апавяшчэнне аб звальненні з віцебскай школы № 40, дзе яна працавала выкладчыкам расейскай мовы і літаратуры. Загад аб звальненні падпісаў начальнік Першамайскага раённага аддзела адукацыі Віцебска Уладзімір Шлома. Фармальна Севярынец была звольненая за прагул, хоць на вясновых школьных вакацыях, з 26 сакавіка па 3 красавіка, з пісьмовай згоды дырэктара школы знаходзілася ў водпуску за свой кошт па сямейных абставінах.
