Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Службоўцы Мінюста бегаюць ад праваабаронцаў 13:41, 24/08/2007
Аргкамітэт па стварэнні грамадскага праваабарончага аб`яднання "Вясна" не можа даведацца пра рашэнне Міністэрства юстыцыі аб рэгістрацыі арганізацыі, прытым, што 23 жніўня мінуў адведзены законам тэрмін для вынясення адпаведнага рашэння.
У інтэрв`ю БелаПАН праваабаронца Уладзімір Лабковіч паведаміў, што "супрацоўнік Міністэрства, які займаўся рэгістрацыяй "Вясны", два дні дзесьці хаваецца, а тэлефон начальніка ўпраўлення грамадскіх аб`яднанняў не адказвае". "Мне абсалютна незразумелая логіка Мінюста, бо было даволі часу для прыняцця рашэння наконт лёса "Вясны" на ўсіх узроўнях", – заявіў ён.
У.Лабковіч паведаміў, што праваабаронцы рыхтуюць скаргу на імя міністра юстыцыі аб парушэнні беларускага заканадаўства, якое патрабуе прыняцця рашэння аб рэгістрацыі грамадскага аб`яднання ў месячны тэрмін.
Праваабаронца адзначыў, што сёння ў Беларусі існуе толькі некалькі праваабарончых арганізацый: Беларускі Хельсінкскі камітэт, "Прававая ініцыятыва", Беларуская асацыяцыя журналістаў. "У Беларусі праваабаронцы знаходзяцца пад жорсткім кантролем, фактычна ў падполлі", – лічыць У.Лабковіч.
