Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Рэпарцёры без межаў» супраць «рэгулявання» інтэрнэт-СМІ 17:55, 24/08/2007
Праваабарончая арганізацыя "Рэпарцёры без межаў" 24 жніўня выказала занепакоенасць у сувязі з планамі беларускіх улад стварыць працоўную групу па вывучэнні сусветнага досведу ў галіне рэгулявання дзейнасці інтэрнэт-СМІ.
Нагадаем, 20 жніўня намеснік міністра інфармацыі Беларусі Аляксандр Слабадчук паведаміў, што цягам месяца будзе створаная працоўная група, у склад якой увойдуць прадстаўнікі ўсіх зацікаўленых ведамстваў краіны. Па яго словах, група "скрупулёзна вывучыць сусветныя напрацоўкі па рэгуляванні дзейнасці інтэрнэт-выданняў з тым, каб стварыць у Беларусі нарматыўную базу ў гэтай галіне".
"Мы занепакоеныя тым, што ўлады вырашылі працягнуць падрыхтоўку для абмежаванняў свабоды слова ў Інтэрнэце, – гаворыцца ў заяве "Рэпарцёраў без межаў". – Інтэрнэт з`яўляецца адным з нешматлікіх месцаў, дзе беларусы могуць быць свабодныя. Той факт, што ў якасці прыкладу (рэгулявання дзейнасці інтэрнэт-СМІ. — БелаПАН.) прыводзіцца досвед Кітая, паказвае, наколькі рэпрэсіўныя планы ўлад".
