Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На львоўскім кінафестывалі фільм «Плошча» атрымаў «Сэрца льва» 13:19, 27/08/2007
У Львове ўзнагароджаны дакументальны фільм беларускага рэжысёра Юрыя Хашчавацкага “Плошча”. Такое рашэнне прыняў аргкамітэт вулічнага фестываля ўкраінскага новага кіно “Кіналеў-2007”. Стужка ўганараваная «Залатым львом» за мужнасць – узнагародай “Сэрца льва”.
Нагадаем, 25 жніўня каля 10 тысяч чалавек паглядзелі ў Львове беларускі фільм “Плошча”, які распавядае пра падзеі ў Мінску ў сакавіку 2006 года, калі прайшлі масавыя акцыі пратэсту супраць фальсіфікацый вынікаў прэзідэнцкіх выбараў.
Дырэктар фестываля Алесь Дзындра ў інтэрв’ю “Еўрарадыё” адзначыў: “Гэта ўзнагарода ўсім, то змагаецца за Беларусь. Кожны з іх носіць на грудзях сэрца льва”.
