Малдова святкуе Дзень незалежнасці :: Хартыя'97 :: Навiны

У панядзелак у Малдове адзначаецца 16-я гадавіна абвяшчэння незалежнасці.

Раніцай прэзідэнт Малдовы Уладзімір Варонін, прэм`ер-міністр Васіль Тарлеў, дэпутаты парламента і ўрада, акрэдытаваныя ў Кішынёве прадстаўнікі дыпламатычнага корпуса ўзялі ўдзел у цырымоніі ўскладання кветак да помніка Штэфана чэл Марэ (Стэфана Вялікага) у цэнтры Кішынёва, а таксама да мемарыяла воінскай славы "Вечнасць".

Цягам усяго дня ў Кішынёве і іншых населеных пунктах краіны будуць праходзіць урачыстасці, святочныя канцэрты і народныя гулянні.

Выступаючы напярэдадні па тэлебачанні, В.Варонін заявіў, што "Малдова павінна шанаваць сваю незалежнасць і ні ў якім разе не павінна звярнуць з шляху незалежнасці". "Нам прадстаўлены ўнікальны, гістарычны, адзіны шанец пабудаваць незалежную дзяржаву. Мы павінны разабраць завалы, якія стаяць на гэтым шляху і рухацца далей", – падкрэсліў ён.