Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністра юстыцыі ўзнагародзілі знакам «Свабода-Закон-Дэмакратыя» 14:45, 27/08/2007
З біяграфіі міністра юстыцыі Беларусі Віктара Галаванава, размешчанай на сайце міністэрства, вынікае, што ён узнагароджаны нагрудным знакам Міністэрства юстыцыі Рэспублікі Беларусь "Свабода-Закон-Дэмакратыя". Пры міністру Галаванаве былі закрытыя дзесяткі беларускіх грамадскіх і праваабарончых арганізацый, а на мінулым тыдні вынесеныя папярэджанні 6 палітычным партыям – тры з якіх апазіцыйныя. Цяпер партыям пагражае закрыццё, а міністру, пэўна, трэба падумаць пра тое, наколькі сумяшчальная ўзнагарода «Свабода-Закон-Дэмакратыя» з яго дзеяннямі на высокай пасадзе.
Нагадаем, што за пераслед грамадзянскай супольнасці Віктару Галаванаву быў забаронены ўезд у краіны Еўразвяза і ЗША.
