Украіна падняла цэны для Беларусі :: Хартыя'97 :: Навiны

Міністр паліва і энергетыкі Ураіны Юры Бойка паведаміў, што яго краіна дамовілася з Беларуссю па кошце на электраэнергію.

Па словах прэзідэнта дзяржаўнага прадпрыемства знешнеэканамічнай дзейнасці "Укрінтэрэнерга” Мікалая Пашкевіча, кошт экспартнай электраэнергіі для Беларусі будзе складаць не менш як 4,7 цэнта за квт/ч, паведамляюць "Украінскія навіны". "У Расеі сёння таксама адбыўся рэзкі рост цаны на электраэнергію і трэба разумець, што гэтая цана дзесьці ляжыць у адной плоскасці", – сказаў Мікалай Пашкевіч.

У канцы чэрвеня дзяржаўнае прадпрыемства знешнеэканамічнай дзейнасці "Укрінтэрэнерга" прыпыніла экспарт электраэнергіі ў Беларусь. Украінскі бок аргументаваў прынятае рашэнне тым, што электраэнергіі бракуе ўнутры краіны, таму рэспубліка змушаная скараціць яе экспарт, піша Тэлеграф.

Беларусь і Украіны раней дамовіліся, што ўкраінскія прадпрыемствы паставяць у нашу краіну ў 2007 годзе 3,5 млрд. квт/ч электраэнергіі (у 2006 годзе Украіна паставіла Беларусі 2,5 млрд. квт/ч). У студзені–чэрвені Украіна паставіла ў Беларусь 1,5 млрд. квт/ч электраэнергіі.