Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У здароўе экс-кандыдата ў прэзідэнты Аляксандра Казуліна змен у лепшы бок не назіраецца, паведаміў БелаПАН адвакат палітыка Зміцер Гарачка. 30 жніўня ён сустрэўся з А.Казуліным у калоніі "Віцьба-3", дзе палітык адбывае пакаранне.
Па словах З.Гарачкі, падчас сустрэчы былі абмеркаваныя ўмовы ўтрымання ў турме, па якіх "у А.Казуліна ёсць пытанні".
Некалькі дзён таму сям`я палітыка атрымала ліст з "Віцьбы-3". У лісце Казулін адзначае, што ў яго дачыненні "дбайна захоўваецца інфармацыйны вакуум".
А.Казулін паведаміў родным, што ніяк не можа ўзнавіць сваё здароўе, хоць прыкладае да гэтага ўсе намаганні. "Зрухі, вядома, ёсць, але хацелася б большага, тым больш ужо прайшло столькі часу. Падвышаная дрымотнасць і стамляльнасць адбіваецца на ўсім астатнім, нават з кнігай дужа доўга не магу не тое што працаваць, а нават проста чытаць", – адзначаецца ў лісце.
Нагадаем, 13 ліпеня 2006 года суд прызнаў экс-кандыдата ў прэзідэнты Беларусі А.Казуліна вінаватым у "арганізацыі наўмысных дзеянняў, якія груба парушаюць грамадскі парадак і якія суправаджаюцца ўжываннем гвалту і знішчэннем чужой маёмасці". Палітыка прысудзілі да пазбаўлення свабоды на пяць з паловай гадоў.
