Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка пераходзіць на беларускую мову? 13:55, 02/09/2007
Аляксандр Лукашэнка павіншаваў беларусаў з Днём беларускага пісьменства. Афіцыйнае агенства БелТА падае віншаванне Лукашэнкі на беларускай мове.
Вось яго тэкст:
“Паважаныя сябры!
У нашай краіне стала добрай традыцыяй у першую нядзелю верасня адзначаць Дзень беларускага пісьменства. На працягу чатырнаццаці гадоў свята ідзе праз усю Беларусь. Яго сталіцамі былі славутыя культурныя і асветныя цэнтры - Полацк, Тураў, Навагрудак, Нясвіж, Орша, Пінск, Заслаў`е, Мсціслаў, Мір, Камянец, Паставы. 3 гэтымі месцамі звязаны імёны такіх гістарычных асоб, як Еўфрасіння Полацкая і Кірыла Тураўскі, Францыск Скарына і Пётр Мсціславец, Сімяон Полацкі і Спірыдон Собаль.
Сёлета ўрачыстыя мерапрыемствы адбудуцца ў Шклове - адным з прыгажэйшых гарадоў Магілеўшчыны, які ў свой час стаў радзімай першага беларускага прафесійнага тэатра.
Дзень беларускага пісьменства - гэта свята тых, хто зберагае духоўную спадчыну нашага народа, узбагачае нацыянальную культуру, шануе родную мову. Праўдзівае, сумленнае і адказнае слова пісьменніка і журналіста сёння надзвычай запатрабавана людзьмі. Яно - залог кансалідацыі грамадства, неабходнай для далейшага паспяховага развіцця нашай незалежнай краіны, павышэння дабрабыту яе жыхароў, пабудовы моцнай і квітнеючай Беларусі.
Шчыра жадаю ўсім удзельнікам і гасцям урачыстасцей здароўя і дабрабыту, жыццёвай мудрасці і аптымізму, поспехаў у працы і шчасця”.
, iнформэр
