Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Дзень беларускай пісьменнасці адкрылі помнік расейскаму генералу 10:04, 03/09/2007
2 верасня ў горадзе Шклове Магілёўскай вобласці прайшло святкаванне Дня беларускай пісьменнасці. Афіцыйнае адкрыццё свята адбылося ля будынка гарадской Ратушы. У рамках свята ў горадзе быў адкрыты помнік расейскаму генерал-лейтэнанту Сямёну Зорычу, які ў 1778–1799 валодаў Шкловам і заснаваў кадэцкі корпус, тэатр і мануфактуру.
У мерапрыемстве ўзялі ўдзел прадстаўнікі ўрада і адміністрацыі прэзідэнта Беларусі, дыпламаты, а таксама пісьменнікі і журналісты з Расеі, Сербіі і Баўгарыі.
Аляксандр Лукашэнка, які нарадзіўся ў Шклоўскім раёне, не ўзяў удзелу ў свяце.
Дзень беларускай пісьменнасці адзначаецца ў 14 раз. Раней свята праводзілася ў Полацку, Тураве, Наваградку, Нясвіжы, Оршы, Пінску, Заслаўлі, Мсціславе, Міры, Камянцы і Паставах.
