Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Уладзімір Кажэўнікаў, аўтар артыкула “Галоўнае – пракукарэкаць”, апублікаванага ў газеце Міністэрства абароны Рэспублікі Беларусь "Во славу Родины" 25 жніўня, прызнаўся, што надрукаваў артыкул на замову.
Не жадаючы разбірацца ў праблеме, паднятай РПГА «Беларускі Хельсінкскі Камітэт» (БХК) з нагоды прымусовай працы вайскоўцаў, Уладзімір Кажэўнікаў зганьбіў дзелавую рэпутацыю БХК і сябра арганізацыі, вядомага юрыста і праваабаронцы, Гары Паганяйлы.
Старшыня БХК, Таццяна Процька, папрасіла У.Кажэўнікава растлумачыць некаторыя пытанні з нагоды дадзенай публікацыі. Журналіст не адмовіўся, аднак да дыялогу ён быў відавочна не гатовы і не знаходзіў разумных аргументаў для тлумачэння свайго артыкула. Па заканчэнні гутаркі У.Кажэўнікаў сказаў, што артыкул яму замовілі, і ён яго напісаў, не знайшоўшы часу праверыць факты.
Па факце публікацыі Гары Паганяйла мае намер падаць пазоў у суд аб абароне гонару, годнасці і дзелавой рэпутацыі.
