Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Танец Лукашэнкі з Веркай Сярдзючкай – адзін з самых папулярных на YouTube 17:13, 03/09/2007
Польская газэта “Dziennik” у рубрыцы “Сьвет і людзі” піша сёньня пра фільм, які робіць фурор у сеціве, з Аляксандрам Лукашэнкам у галоўнай ролі. Танец з украінскай спявачкай Веркай Сярдзючкай быў аздобаю папулярнага фэстывалю песьні “Славянскі базар” у Віцебску.
Беларускі кіраўнік спачатку таньчыў зь Сярдзючкай, пазьней уручыў ёй кветкі й сардэчна пацалаваў, піша “Dziennik”. А таксама крычаў: “Брава”, калі артыст вяртаўся з ганаровай трыбуны на сцэну.
Гэтую падзею здымаў адзін з прэзыдэнцкіx фатографаў, але здымкі зьніклі. Няма іх таксама ні ў беларускіх, ні ў расейскіх фотаагенцтвах, а на афіцыйным сайце фэстывалю ні слова пра спантанныя паводзіны палітыка. Дарэчы, і Першы канал грамадзкай тэлевізіі, які трансьляваў імпрэзу, выразаў выгібасы Веркі й Аляксандра, канстатуе газэта.
Гэты інцыдэнт прайшоў бы хутчэй за ўсё незаўважаным, калі б хтосьці не зьмясьціў ацэнзураваных кадраў на папулярным інтэрнэт-сэрвісе YouTube.com. І фільм стаў сапраўдным гітом. Як падаюць адміністратары сайту, танец Лукашэнкі зь Сярдзючкай трапіў у дзесятку найпапулярнейшых здымкаў. За апошнія выходныя гэты фільм прагледзелі больш за 30 тыс. асобаў.
