Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Севярынца не маглі проста вызваліць... 11:55, 04/09/2007
Павел Севярынец, сустаршыня аргкамітэту партыі “Беларуская хрысціянская дэмакратыя”, выйшаў на волю. Ён адбыў 15 сутак адміністрацыйнага арышту ў брэсцкім следчым ізалятары за правядзенне “несанкцыянаванага сходу” за тое, што былы палітвязень прэзентаваў сваю кнігу “Лісты з лесу”. Але ўчора вечарам з’явілася інфармацыя, што Севярынца вывезлі з ізалятара ў невядомым кірунку.
Сёння “Еўрарадыё” датэлефанавалася да Паўла Севярынца. Паводле яго словаў, учора каля 20-й гадзіны яго сапраўды вывезлі ў ізалятар у Паўночным гарадку.
Пры гэтым нічога не тлумачылі. “Тым самым яны хацелі сарваць сустрэчу, бо мяне чакалі мае сябры”, - кажа Севярынец. На волю яго выпусцілі а 4-й гадзіне раніцы. І каля дзесяці чалавек яго сустракалі - яны ўсё ж даведаліся, дзе маглі ўтрымліваць Паўла.
Раніцай у аўторак Севярынец ужо ехаў у Нясвіж на судовы працэс Насты Азаркі. Таксама ён плануе сёння наведаць і Салігорск, дзе судзяць Івана Шылу.
