Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"Мы заўсёды імкнуліся ў выхаванні асобы максімальна задзейнічаць грамадскую сілу, найперш – моладзевыя арганізацыі", – заявіў міністр адукацыі Беларусі Аляксандр Радзькоў, выступаючы 5 верасня ў Менску на канферэнцыі "Інтэграцыя моладзі: крок у будучыню". Мерапрыемства арганізаванае Рэспубліканскім моладзевым інфармацыйна-ідэалагічным цэнтрам пры Цэнтральным камітэце Беларускага рэспубліканскага саюза моладзі (БРСМ).
На яго думку, "у сістэме адукацыі павінна фармавацца асоба з дзяржаўнай пазіцыяй, з высокай культурай, з пачуццём гонару за сваю гісторыю, за свой народ і сваю дзяржаву, з пачуццём павагі да старэйшых і ў цэлым да дзяржаўнай прылады". "Безумоўна, гэта немагчыма сфармаваць толькі на ўроках у школе або на лекцыях у ВНУ – тут важная праца грамадскіх арганізацый, у якіх адбываецца сацыялізацыя чалавека, фармуецца яго асоба", – адзначыў міністр.
"Мы з задавальненнем успрынялі ўвядзенне ў праграмы навучальных устаноў курсу асноў ідэалогіі беларускай дзяржавы, – сказаў А.Радзькоў. – Гэта фармуе асобу, выхоўвае яе як дзяржаўнага чалавека. І тут мы знаходзім падтрымку моладзевых арганізацыяў".
